O programa de Formación enmárcase no convenio de colaboración que o Concello, a través do departamento de Promoción Económica, tén asinado coa Unión de Cooperativas Espazocoop para desenvolver un programa máis amplo de actuacións a favor do cooperativismo, denominado “Impulso dun Ecosistema Emprendedor na Economía Social”.

O obxectivo é consolidar as empresas de economía social, mediante formación que contribúa á capacitación das persoas e á mellora continúa das empresas; divulgar de forma práctica ás cooperativas participantes; e potenciar o coñecemento mutuo e o intercambio de experiencias das cooperativas participantes para establecer alianzas futuras. 

O programa ofrece 3 cursos, de carácter gratuíto e de carácter presencial, que se desenvolverán nas instalacións de Cersia Empresa.

O primeiro dos cursos están centrado na xestión laboral e societaria en cooperativas, e celebraráse os días 13 de maio e 10 de xuño. A segunda actividade, prevista para os días 20 e 27 de maio, estará centrada no marketing dixital para cooperativas, e o terceiro dos cursos, o 3 de xuño, abordará a temática da intelixencia artificial.